Црна хроника
Инспектори го следеле Тушевски за време на убиството, но не ги виделе сторителите
Марјан Тушевски и Киро Јанев биле убиени додека инспекторите од Секторот за набљудување и документирање го следеле нивното движење, но никој од инспекторите не ги видел сторителите, рече во својата одбрана Милан Спасов, кој бил раководител во трета смена во Секторот за набљудување и документирање.
Toj заедно со своите колеги биле распоредени на местото каде се случило убиството.
Кога Спасов ја презел смената, неговиот колега кој ја водел втората смена, Љупчо Велиновски му пренел дека има наредба за следење на Марјан Тушевски. Спасов ги распоредил инспекторите кои биле на смена околу „Млечен ресторан“ во скопската населба Капиштец, каде што се случи убиството.
„По 30 минути Тушевски беше забележан како со уште едно лице излегува од кафетеријата. Веднаш им јавив на колегите да се движат во нивен правец и да ги прифатат“, објаснуваше Спасов.
Кога инспекторите јавиле дека го следат движењето на лицата кои се упатувале кон автомобил, се слушнало пукање. Но никој од инспекторите не ги видел сторителите.
На лице место дошле и колегите од јавна безбедност, кога инспекторите од секторот за набљудување и документирање се повлекле во својата база. Таму дошле инспектори од крвни деликти кои на лице место им зеле изјава на инспекторите од секторот за следење.
Спасов не се сеќава дека инспекторите подготвиле извештај за тоа што се случило, но за Спасов е доволна изјавата што им ја дал на инспекторите од крвни деликти.
За време на својата работа во Секторот, пред убиството на Тушевски, Спасов никогаш не добил наредба да го следи Тушевски, освен вечерта кога се случи убиството. „Не се чувствувам виновен за ниту еден елемент во обвинението за коешто се товарам“, рече Спасов.
Во исказот даден пред истражен судија, Спасов изјавил дека Зоран Трајковски, шефот на личното обезбедување на поранешниот министер за внатрешни работи, Љубе Бошкоски бил „бог и батина“, иако Трајковски бил началник на Секторот по убиството.
Во среда пред судот исказ требаше да даде и тогашниот началник на Секторот за набљудување и документирање, Никола Нигиревски, но поради труење со храна не беше способен да зборува.
Судијата Илија Трпков го смени редоследот на обвинетите кои требаше да дадат исказ. Обвинителката Раичевиќ реагираше бидејќи според неа додека Спасов давал исказ и одговарал на прашањата, неговиот адвокат му суфлирал.
Трпков ја внесе оваа забелешка на записник, на што реагираше Љупчо Веселиновски, адвокатот на Зоран Трајковски: „Се чувствувам, како обвинителката да е судија, а не вие“, му се обрати Веселиновски на судијата.
Судијата го опомена адвокатот и му рече дека таква констатација да не смее да му се повтори. Од место дофрли и Бошкоски„Треба да го прекинете овој циркус.“.
Бошкоски се товари дека како министер за внатрешни работи во тоа време му дозволил на сега веќе починатиот Орце Коруновски да нарача убиство за Тушевски. Марјан Тушевски и Кире Јанев беа убиени на 10-ти јули 2001 година кога излегувале од кафулето „ЗУ“ во скопската населба Капиштец.
Прво со 11 куршуми беше убиен Тушевски, а потоа напаѓачите пукале и кон Киро Јанев кој се обидувал да избега. За овој случај одговараат 15 лица, а четворица од нив се во бегство.//крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.