Црна хроника
Три кражби во аптеки низ земјава
Три кражби на лекови и пари се случиле во аптеки во СКопје и во Битола за време на новогодишната ноќ.
Имено, во понеделник во 17.20 часот во Битола, на ул.„Ѓуро Ѓакович“, во аптека „Екофарм“, непознат сторител вооружен со пиштол непозната марка извршил разбојништво над вработената М.С. (1988) од с.Добромири-Битола, при што одзел 14.000 денари и 10 шишенца ампули „Трамадол“.
Разбојништвото сторителот го извршил на тој начин што влегол во аптеката, го вперил пиштолот кон вработената, со едната рака ја притиснал на подот, од фиоката ги одзел парите, а потоа и ампулите, по што избегал.
Во Скопје, пак на ул. „Џон Кенеди“ во аптека „Зегин“, непознато лице извршил разбојништво над вработената Ј.З., при што одзел 5.000 денари.
Тој влегол во аптеката, и се заканил на вработената дека ако не му даде пари, ќе види што ќе и се случи, при што истата од фиоката му ги дала парите.
Откако ги одзел парите, сторителот избегал.
Уште еден грабеж на аптека се случил во Скопје, на ул.„Васил Главинов“ во аптека „Виола“, кога две непознати лица, од кои едното вооружено со пиштол, извршиле разбојништво над вработената, на тој начин што и се заканиле со пиштолот, при што одзеле пари чија висина дополнително ќе биде утврдена.
Полицијата во сите случаи презема мерки за пронаоѓање на лицата./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.