Црна хроника
Околу 350 килограми марихуана била шверцувана во душеци за спиење
Околу 350 килограми марихуана заплени царината во соработка со полицијата на граничниот премин „Меџитлија“.
Дрогата била запленета во понеделник на излез од Македонија, кога во камион „МАН“ натоварен со душеци за спиење биле пронајдени 344 пакувања марихуана во девет од душеците.
Марихуаната била набавена од Албанија, а преку Македонија требало да заврши во Холандија, каде со продажба на големо би достигнала цена од 1 милион евра.
Дрогата од Албанија ја набавиле двајца жители на Велешта, а битолчани го организирале транспортот. Дрогата била натоварена во Велешта, биле вметнати девет душеци исполнети со дрога, коишто биле скоро идентични со душеците кои требало да бидат пренесени легално.
Петмина битолчани се приведени, додека жителите од Велешта се во бегство. Против сите се поднесени кривични пријави./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.