Црна хроника
Азири се откажа од исказот пред Истражен судија, негира вмешаност во петкратното убиство
Обвинетиот Хаки Азири, кој првично беше заштитен сведок за случајот „Монструм“ и пред Истражниот судија рече дека на денот на убиството ги возел обвинетите Алил Демири и Африм Исмаиловиќ, кои му кажале дека убиле човек, се откажа од изјавата и негираше каква и да е поврзаност со петкратното убиство.
„Не ги прифаќам наводите во обвинението против мене. Изјавата пред истражен судија не сум ја дал по своја волја. Имав притисок. Се плашам за својот живот“, рече Азири.
Тој тврди дека не е точно дека на тој ден учествувал во какво и да е убиство. За себе вели дека не е криминогена личност и никогаш во животот немал проблеми со полицијата. Рече дека се грижи единствено за неговото деветчлено семејство и немал време да размислува за какво било убиство. Во времето кога се случило убиството, тврди Азири, бил на гости кај неговиот братучед, Џевад Азири, во скопската населба Гази Баба, каде што бил и неговиот братучед, еден од обвинетите, Алил Демири.
Тврди, исто така, дека таму повеќемина братучеди играле друштвена игра ОК сé до раните утрински часови. Негираше дека на денот на убиството ги возел Алил Демири и Африм Исмаиловиќ и дека имал каков и да е контакт со Агим Исмаиловиќ.
Денот му минал вообичаено. Бил пет пати во џамија да се клања. Бил на кафе во кафеана во населбата Скопје Север и работел во градината со неговиот татко. Во кафеана бил сам и не можеше да се сети на нејзиното име. Инаку, претходно работел како транспортер и немал одредено работно време.
Во врска со локацијата на убиството, Смилковското езеро крај Скопје, вели дека можеби бил некогаш таму, кога неговиот чичко Фејзи Азири зел под концесија дел од парцелите кај ова езерце.
Пред судот Азири рече дека кога бил приведен му се заканиле дека ако не каже дека Алил Демири и Африм Исмаиловиќ се убијците, ќе биде осуден на 20 години затвор. Тврди дека еден од инспекторите му рекол дека тој лично ќе го застрела.
Инаку, Азири пред Истражниот судија рекол дека на денот на убиството околу 20 часот на обиколницата на Качанички пат со автомобил ги чекал да дојдат обвинетите Алил Демири и Африм Исмаиловиќ, кои се товарат дека се извршители на убиството. Двајцата обвинети дошле на местото кадешто ги чекал, излегле од возилото „опел омега“, со темно црвена боја, и влегле во неговото возило. Кога ги прашал кај да вози, тие му рекле да вози во неговиот дом и му кажале дека убиле човек.
Не му е познато каде потоа отишле обвинетите, а според неговата изјава, тој околу 23 часот отишол во домот на неговиот братучед Џевад Азири, кадешто бил и обвинетиот Алил Демири.
Хаки Азири е единствениот од обвинетите кој се товари за помагање тероризам. /крај/фф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.