Црна хроника
Азири соочен сам со себе – исказот пред истражен пуштен во судница
Исказот што го дал обвинетиот во случајот „Монструм“, Хаки Азири пред истражен судија на 7-ми мај, а кој е контрадикторен со она што во четвртокот го кажа пред судот, беше пуштен на видео за јавноста да се запознае што точно кажал обвинетиот во текот на истрагата.
Пред судијата кажал дека имал кошмари, го гризела совеста и ослабел 20 килограми кога слушнал за петкратното убиство кај Смилковци. Дента кога се случило убиството со неговиот братучед Алил Демири се договориле да се видат кај него дома во Сингелиќ, заедно со Африм Исмаиловиќ. Таму му кажале дека требало да направат нешто затоа што имале нерасчистени сметки со некого. Му рекле околу 18:00 часот да го земе обвинетиот Агим Исмаиловиќ и да го однесе во Топанско поле, од каде требале да земат некое возило. Азири го однел Агим Исмаиловиќ до Топанско поле, од каде Исмаиловиќ од паркинг зел автомобил „Опел Омега“ со црвена боја и заминал во непознат правец. Азири околу 20:00 часот на обиколницата кај Качанички пат ги чекал обвинетите Алил Демири и Африм Исмаиловиќ, кој дотаму дошле со опелот, се качиле во неговото возило „Мазда“ и му кажале дека убиле човек. Не носеле никакво оружје, туку само на себе имале црни капи, спуштени на половина чело и црни ракавици. Ги однел кај него во домот, но незнае каде оттаму потоа заминале.
За петкратното убиство, според исказот пред Истражниот судија, Азири дознал околу 23:00 часот од интернет. Во тој момент заедно со Алил Демири биле на гости кај нивен братучед и кога им соопштил на другите што се случило кај Смилковци, Алил ја наведнал главата, а другите присутни ништо не кажале. Пред истражниот судија тој вели дека овој исказ го дал без притисоци и по своја волја, додека пред судот во четвртокот тврдеше дека тоа го направил под притисок и закани, а еден од инспекторите во полициската станица му се заканил дека ќе го застрела ако не го каже ова.
Адвокатот на обвинетиот Азири вели дека од она што може да се види на видеото, исказот на Азири не е ист со она што истражниот судија го внел во записникот. Видеото на коешто е снимен исказот на Азири сеуште се прикажува во судницата, по што се очекува Азири да се изјасни за констрадикторноста на неговите изјави во истражната постапка и сега. /крај/ач/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.