Црна хроника
Експлозија на плинска боца можна причина за големиот пожар на Македонски пошти
Голем број противпожарни возила го гаснат големиот пожар што ја попладнето во вторник изби на покривот од главната зграда на Македонски пошта во центарот на Скопје, кој според непотврдени информации е предизвикан од експлозија на плинска боца, јавува репортерот на Макфакс
Крстосницата кај централната зграда на Македонски пошти е затворена за сообраќај, и местото го обезбедуваат бројни полициски екипи со повеќе возила, а на теренот се присутни и возила на Брзата помош.
Сé уште нема информации за повредени или жртви во огнената стихија којашто избувна малку по 16,30 часот во вторникот, рекоа за Макфакс извори од Министерството за внатрешни работи.
На местото на инцидентот пристигна и градоначалникот на Скопје, Коце Трајановски.
Според неофицијални информации од очевидци, попладнево се слушнала експлозија. Најверојатно станува збор за експлозија на плинска боца, рекоа за Макфакс лица кои биле присутни на местото кога избувнал пожарот. /крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.