Црна хроника
Нова голема заплена на цигари на Аеродромот „Александар Велики“
Пет лица од источна Македонија во четврток на аеродромот Александар Велики се обиделе од Македонија да прошверцуваат 457 штеки цигари, кои требало да бидат однесени во Лондон.
На прашање на царинските службеници дали имаат нешто да пријават за царинска контрола сите одговориле негативно.
Откако од аеродромските служби за багаж бил обезбеден нивниот багаж, пристапено е кон контрола при што во шест патни торби во нивна сопственост, пронајдени се вкупно 457 штеки цигари, од кои 1.300 кутии „малборо ред“, 1.480 кутии „малборо голд“, 790 кутии „винстон блу“, 800 кутии „ева слимс“ и 200 кутии „ЛД ред“.
Вредноста на оваа количина цигари набавени во Македонија е околу 9.000 евра, додека во Велика Британија лицата би заработиле околу 34.000 фунти (околу 29.000 евра).
Како и во претходниот случај, кога пред два дена на аеродромот беа запленети 324 штеки цигари кај двајца Македонци со бугарски пасош, и овие лица се носители на бугарски пасош и при влез во Велика Британија го приложуваат на увид бугарскиот пасош со кој и остваруваат работен однос во земјата.
Од Царина информираат за заплена на цигари и на граничниот премин Дојран, кога на 15 јануари при контрола на две возила со бугарски регистарски таблички со вграден погонски систем на плин, во резервоарите се пронајдени сокриени вкупно 61 штека цигари „јорк“ со македонски акцизни маркички.
Во првиот случај, селектирано е возило со кое управувал бугарски државјанин. Возилото било неуредно и технички оставало впечаток дека е полуисправно. Возачот и сопатникот неконкретно одговарале на прашањата на царинските службеници, и во даден момент ги користеле мобилните телефони.
Поради ваквото однесување, пристапено е кон детална контрола, при што во резервоарот за бензин, во пластични кеси за пакување пронајдени се 190 кутии „јорк 100с“ со македонски акцизни маркички.
Истиот ден, при детален преглед на друго возило со бугарски регистарски таблички, управувано од бугарски државјанин кој не бил сопственик на истото, исто така во резервоарот за бензин сместен под задните седишта, а кој бил исечен и адаптиран за криумчарење стока, пронајдени се 420 кутии „јорк 100с“ со македонски акцизни маркички.
Во сите три случаи, цигарите се запленети. Против прекршителите отпочнати се прекршочни постапки пред Комисијата за одлучување по царински прекршоци. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.