Црна хроника
Момченце во Алабама ослободено по седмица заложништво со напад на ФБИ
Петгодишно момченце коешто злосторник цела седмица го држеше затворено во бункер во американската сојузна држава Алабама, е ослободено по акција на припадници на федералното истражно биро FBI, јави ноќта кон вторникот AFP повикувајќи се на претставници на бирото.
Претходно беше објавено дека за време на операцијата бил неутрализиран грабнувачот, 65-годишниот Џими Ли Дајкс, а детето е ослободено и е безбедно.
„Во изминатите 24 часа состојбата се влоши, а во рацете на Дајкс беше забележано оружје. Во тој момент, плашејќи за непосредна закана за животот на детето, агентите на FBI влегоа во бункерот и го ослободија детето“, изјави за агенцијата припaдникот на бирото, Стив Ричардсон. Според него, на момчето „немало видлива физичка повреда и тоа е пренесено во локалната болница“.
Жителот на Мидленд Сити, Џими Ли Дајкс на 29-ти јануари нападна училишен автобус. Возачот, 66-годишниот Чарлс Алберт Поланд се обидел да ја блокира вратата од автобусот со своето тело но беше смртно ранет. Напаѓачот го грабна петгодишно момченце и се забарикадира во импровизиран бункер што самиот го изградил во близина на неговиот дом, каде што го држеше затворено детето седум дена. Полицијата и FBI преговараа со киднаперот низ вентилациониот отвор на бункерот. Претставници на полцијата на Алабама изјавија дека киднаперот дозволувал за момченцето да бидат доставени разни продукти, детски играчки, книги и лекови./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.