Црна хроника
Ослободителна пресуда за екс директорот на старскиот дом во Битола
Основниот суд Битола го ослободи од обвинение поранешниот директор на старскиот дом „Сју Рајдер“ Благој Илиевски, од обвинението за наводно силување на главната медицинска сестра на Домот.
Според судот, Илиевски нема никаква вина за наводното силување, за кое го товараше медицинска сестра. Одлуката е донесена во понеделникот.
Тужителката тогаш го обвини Илиевски дека се случил обид за силување, односно директорот на установата, се обидел да ја злоупотреби главната сестра.
„Врз мене се обиде да направи кривично дело, обид за силување, јас лично случајот го пријавив кај народниот првобранител и во полиција“, рече тогаш таа и тврдеше дека обидот бил само почеток на голготата низ која поминувала.
Пред почетокот на судскиот процес адвокатот на Илиевски рече дека се работи за измислен процес кој ќе се обидат да го докажат. И тужениот Благој Илиевски се појави пред новинарите со тврдење дека е невин и дека ќе го докаже тоа.
Заради тогашните настани во Домот и Судот, се случи промена на директорот во оваа јавна установа.
Судот го ослободи Илиевски и за второто обвинение за поднесената пријава за злоупотреба на службената положба. Се работи за првостепена одлука на која незадоволната страна има право на жалба до повисокиот суд. /крај/тера
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.