Црна хроника
Скопјанец се самозапалил и ја запалил куќата поради расправија со сопругата
По расправија со својата сопруга, скопјанец излегол на терасата од семејната куќа во скопското село Инџиково и се самозапалил, соопшти МВР.
Триесет и петгодишниот скопјанец според првичните информации, се полеал со запалива течност и се самозапалил. Но течноста со која се самозапалил додека се полевал истекла по скалите и во другите делови од куќата, па огнот се проширил.
Додека бегале од опожарената куќа, неговата сопруга заедно со неговите две малолетни деца, шетнаесетгодишно и тринаесетгодишно, добиле изгореници на нозете.
Скопјанецот заедно со неговата сопруга и двете деца се пренесени во Ургентниот центар на лекување. Полицијата во четврток ќе изврши увид на местото на пожарот. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.