Црна хроника
Во пукањето во Денвер мајката си ги убила двете деца
Во пукањето во семеен дом во американскиот град Денвер во средата, жена си ги убила своите две деца, а пота се самоубила, пренесува во четвртокот четвртиот канал на телевизиската мрежа CBC.
Инцидентот се случи во средата наутро по локално време во северниот дел на градот. Според полицијата, жртвите во семејната трагедија се мајката Мајира Перез и двете нејзини момченца на возраст од шест и две години. Нивната тригодишна сестра е ранета и е хоспитализирана во критична состојба.
Мотивите што ја натерале жената на овој налудничав чекор сé уште не се утврдени. Полицијата на Денвер во четвртокот соопшти дека уште ги испитува околностите во кои се одиграла трагедијата.
Полицискиот потполковник Мет Мареј претходно во средата изјави за локалните медиуми дека „изгледа дека станува збор за изолиран инцидент“.
Местото на злосторството се наоѓа во индустриска зона, опкружено со магацини и камионски терминал, во близина на комплекс за продажба на големо. Според соседите, куќата неодамна била продадена./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.