Црна хроника
Во Скопје прекинат шверцерски канал кон западна Европа
Министерството за внатрешни работи во соработка со Царинската управа пресекоа меѓународен канал за криумчарење на наркотици кон западноевропските земји. При акцијата приведен е еден македонски државјанин, а запленети се пет килограми високо квалитетна марихуана која требало да ја пренесе на релација Македонија – Австрија.
Жител на скопското село Студеничани ќе „заработи“ кривична пријава поради основи на сомневање дека сторил кривично дело „неовластено производство и пуштање во промет на наркотични дроги, психотропни супстанци и прекурсори”.
Имено, пријавениот во текот на февруари за паричен надомест од 1.600 евра и 4.300 денари по претходно дадени инструкции од засега непознати лица од населба Ченто, исто така во Скопје, требало да изврши транспорт на марихуана на релација Скопје-Салцбург каде што дрогата требало да му ја предаде на друго лице кое моментално престојувало во Салцбург, Австрија.
Во изминативе две недели, пријавениот стапил во контакт со засега неидентификуваното лице од Ченто на возраст од околу 27 години, којшто го ангажирал да го изврши транспортот на наркотичната дрога марихуана во количина од околу пет килограми, при што во петокот околу 14 часот во Скопје, во населба Ченто, пријавениот се сретнал со него и добил инструкции за вршењето на транспортот на дрогата.
Во саботата, пак, околу 18 часот, по претходен телефонски контакт, лицето дошло пред домот на пријавениот каде што тој живеел со неговото семејство под кирија, го земал пријавениот и заедно заминале на меѓународната автобуска станица во Скопје. За време на патувањето до автобуската станица, лицето на пријавениот му објаснил дека во црна патна торба била сокриена марихуаната. Притоа, на пријавениот му дал 550 евра и 4.300 денари и кога стигнале пред меѓународната автобуска станица „Руле турс“ Скопје, во близина на семафорите, пријавениот ја зел патната торбичка и заминал во правец на автобуската станица.
На автобуската станица, пријавениот извадил билет во еден правец за релацијата Скопје – Салцбург, што го платил со парите што претходно ги добил од непознатиот платил и во 19,30 часот се качил во автобус на агенцијата „Еуро бусЕ кој сообраќал на редовна автобуска линија Струга – Скопје -Салцбург.
Околу 21 часот, по пристигнувањето на автобусот на граничниот премин „Табановце“ на излез од Македонија, од страна на Царинската управа сега пријавениот бил селектиран за детална контрола, при што бил извршен претрес над него и личниот багаж. При претресот во патната торбичка меѓу гардеробата биле забележани пет пакувања облепени со кафеава селотејп лента со непозната растителна материја со зелена боја.
По извршеното тестирање на лице место од страна на царинските службеници на непознатата растителна материја, истата реагирала на присуство на канабоиди – наркотична дрога марихуана. Од страна на Отсекот за криминалистичка техника при СВР Куманово, извршена е криминалистичко техничка обработка на пронајдените пет пакувања со непознатата растителна материја и црната патна торба во кој била./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.