Црна хроника
Филмски грабеж на аеродром во Брисел, украдени дијаманти, злато и накит
Грабеж како оние во акционите филмови се случи во понеделник вечер на писта на аеродромот во Брисел, во кој крадците за само три минути, без истрелан куршум, украле авионска пратка полна со дијаманти, злато и накит.
Грабежот се случил меѓу 19:47 и 20 часот на аеродромот Завантем во Брисел, јавува Газет ван Антверпен.
Крадците во два автомобила се пробиле на пистата до авионот на компанијата „Свис“ и со закана на огнено оружје украле пратка дијаманти, злато и накит на компанијата „Brink’s Diamond & Jewelry“.
Спектакуларниот грабеж траел три минути и тоа без истрелан куршум и без повредени. Вредноста на украдената стока е огромна.
Полицијата по грабежот во близина на аеродромот пронашла едно од возилата на крадците, кое било запалено. /крај/он/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.