Црна хроника
Вкупно 21 мигранти за една недела се обиделе да влезат во Македонија
Вкупно 21 мигранти во четири наврати минатата недела се спречени илегално да влезат во Македонија, информираат од Царинската управа.
Еден случај е откриен во јавен царински склад во Куманово, каде при отворање на товарниот дел на турски камион, биле пронајдени 5 лица – илегални мигранти. Веднаш била известена царинската испостава Куманово, од каде бил испратен царински службеник.
По евидентирањето на случајот, мигрантите биле предадени на МВР за понатамошна постапка.
Три одвоени случаи се откриени на железничката станица Гевгелија, при контрола на контејнери натоварени на товарни возови што сообраќале на релација Грција-Австрија и Грција-Германија.
Во првиот случај при контрола на затворен контејнер, натоварен со сокови од зеленчук биле откриени двајца илегални мигранти, државјани на Авганистан.
Во вториот случај при контрола на два контејнери со церада, едниот натоварен со батерии а другиот со сокови од зеленчук, биле пронајдени 6 илегални мигранти, од кои двајца државјани на Авганистан и четворица државјани на Сирија.
Во третиот случај, биле откриени вкупно 8 илегални мигранти, од кои три лица државјани на Авганистан и 2 лица државјани на Пакистан, биле пронајдени во контејнери со церади, натоварени со алуминиумски профили, додека во еден контејнер пломбиран со фалсификувана бродска пломба, биле пронајдени уште тројца државјани на Пакистан.
Во сите случаи, мигрантите не поседувале документи за идентификација, а националноста е утврдена според нивните изјави. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата повредени
Синоќа, на булеварот Партизански одреди во Скопје, мотоцикл „дукати“, со скопски регистарски ознаки, управуван од Е. П. (27) од Скопје, удрил во пешакот Н. Ѓ. (30) од с. Рашче, Скопско.
Во несреќата тешки телесни повреди добил пешакот, а мотоциклистот добил телесни повреди, констатирани во комплексот клиники „Мајка Тереза“ Скопје, објави МВР.
Извршен бил увид од екипа на СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.