Црна хроника
Нападнати тројца членови на раководството на партијата на Шабан Салиу во Шутка
Тројца членови на раковството на партијата Обединети демократски сили на Ромите, чиј претседател е Шабан Салиу во средата биле нападнати по митингот на партијата во Шуто Оризари.
Како што соопштуваат од партијата, непознати сторители кои се возеле со син автомобил „голф 4“ без регистерски таблици ги нападнале членовите на раковоството на партијата, меѓу кои и носителот на советничката листа на партијата и овластениот претставник во општинската изборна комисија.
„Овластениот претставник од општинската изборна комисија во моментот е хоспитализиран во болница и врз него се извршени хируршки интервенции“, соопштуваат од партијата.
Од МВР потврдуваат дека е пријавен физички напад во Шуто оризари. Според пријавата четири лица нападнале други три лица, а при нападот биле употребени и метални шипки. Потврдуваат дека еден до нападнатите е пренесен во Ургентниот центар.
Полицијата работи на откривање на сторителите./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.