Црна хроника
Измамничката со станови собрала вкупно 800.000 евра и ги потрошила на луксуз
Скопјанката осомничена за скандал со станови, со лажни приказни успеала да собере околу 800.000 евра, информираат од МВР.
Дваесет и деветгодишната скопјанка претходно работела како фризерка, а со парите кои ги собрала живеела луксузно во луксузен стан и возела скапи автомобили.
Досега измамата ја пријавиле вкупно 30 граѓани, но од полицијата се сомневаат дека многу повеќе граѓани се измамени. Меѓу измамените имало и пејач и други познати музичари.
Од декември 2011 досега, на пријатели и нејзини познаници им нудела станови за по 400 евра од квадрат, како проект за лица со посебни потреби и инвалидитет. За да биде поуверлива ги печатела документите за вакви станови кои се јавно достапни на веб страницата на Владата. Граѓаните уплаќале од 15 – 30.000 евра на банкарската сметка на нејзиниот татко, а ги лажела дека останите пари ќе ги обезбеди од странски донации, односно од белгиската, холандската или македонската влада.
Иако жената немала ниту градежна фирма, ниту се занимавала со ваков бизнис, луѓето и верувале, а некои од нив имале потпишано и преддоговори кои немале никакво правно дејство. Но, никој од граѓаните не потпишал купопродажен договор, секогаш кога ја барале за да го потпишат, измамничката смислувала најразлични приказни за да го одложи.
Најпрвин во полиција пријавиле 13 граѓани кои на сметката на татко и уплатиле 310.000 евра, но кога се објави аферата во полиција истата измама ја пријавиле уште 17 граѓани кои уплатиле вкупно 340.000 евра. Измамничката најверојатно ги потрошила сите пари на луксузен живот.
Скопјанката и нејзиниот татко се приведени, против нив е поднесена кривична пријава, а истражен судија им одреди 30-дневен притвор./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.