Црна хроника
Основен суд Скопје 1: Истражниот судија во случајот Младенов постапил законски
Истражниот судија кој бил на местото каде што се случи сообраќјната несреќа во која загина новинарот и сопственикот на весникот Фокус, Никола Младенов во целост постапил според законите, вели Портпаролот на Основниот суд Скопје 1, истражниот судија Владимир Туфегџиќ за Макфакс,по текстот во „Нова Македонија“ дека истражниот судија задолжен да ја спороведува истрагата предвреме го напуштил местото на несреќата.
„Тој ги дал потребните наредби на лице место, го повикал јавниот обвинител да дојде на лице место дал наредба за вештачење на возилото и за обдукција“, вели Туфегџиќ.
Од друга страна, весникот пишува дека истражниот судија не покажал голема заинтересираност за случајот. Тој не дал наредба што да се прави, ниту што да се земе како доказ. Сé што собрале истражителите од полицијата сработиле „на своја рака“.
Од Судот велат дека сé уште ги немаат добиено извештаите за вештачењето на возилото и официјалниот извештај од судска медицина. Од таму апелираат јавноста да се воздржи од шпекулации за оваа трагедија сé додека не заврши истрагта.
Според неофицијални информации, при анализата не е пронајдено алкохол во крвта на Младенов. Како што пишува весникот, сé уште не е најден ниту мобилниот телефон на Младенов, но не се исклучива тој да биде пронајден во остатоците на возилото кое се вештачи.
Четирите фискални сметки од патарините, две од „Сопот“ и две од „Отовица“, на автопатот Скопје – Велес, кои ги најдоа од Нова Македонија на местото на несреќата ги предале во полиција за да се утврди каде се движел „мерцедесот“ на Никола Младенов пред да се случи трагичната сообраќајка. Туфегџиќ не коментира како доказите останле на местото на несреќата по увидот, но порачува тие да се достават до надлежните институции.
„Јас доказите не ги коментирам, јас коментирам како постапил истражниот судија. Доколку некој смета дека имаат тежина на доказ, треба да ги достават до Јавното обвинителство, полицијата и истражниот судија и тие во меѓусебна координација ќе одлучат дали тоа што е пронајдено има вредност на доказ“, вели Туфегџиќ.
Сообраќајката се случи на 26-ти март вечерта на патот Велес – Скопје, на клучката кај Хиподром, пред главниот град.
Потрагата по телото на Младенов започна во средата во 9.30 часот откако неговата сопруга пријавила дека го нема.
Возилото „мерцедес“ беше извлечен дури во средата вечерта околу 20 часот, а телото на Младенов беше предадено во судска медицина за обдукција.
Според првичните информации, автомобилот ја пробил банкината на патот и излетал во ендек, но сé уште не се познати точните причини за сообраќајката./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.