Црна хроника
Младенов изгубил контрола над возилото, сообраќајката била несреќен случај
Сообраќајката во којашто загина новинарот и сопственик на весникот Фокус, Никола Младенов е несреќен случај и засега нема индиции дека се работи за кривично дело и дека во сообраќајката учествувало и друго возило, покажуваат досегашните анализи на органите кои беа вклучени во истражните дејствија за овој случај.
Младенов возел со 160 километри на час, не бил врзан со сигурносен појас, а обдукцијата утврдила дека за време на несреќата држел цигара во рака. Не утврдено присуство на алкохол и присуство на психотропни супстанции во крвта на Младенов. Смртта, како што изјавија од судот, настанала насилно, поради прекин на работата на аортата.
Според она што го изјави портпаролот на Основниот суд Скопје 1, истражниот судија Владимир Туфекџиќ, автомобилот на Младенов немал контакт со друго возило, а трагите од кочење и деловите од автомобилот на местото на несреќата биле од други сообраќајки коишто се случиле во 2010 и 2012 година.
„Оштетувањето на возилото се од самото превртување. Она што беше дел од шпекулации во јавноста дека имало контакт со друго возило, можам да кажам дека такви анализи немаме. Од левата страна на возилото нема траги од контакт од друго возило и трагите од боја кои се наоѓале од десната страна од возилото според анализите, официјални, не потекнуваат од боја која се става на автомобили, туку се работи за антикорозивно средство“ рече Туфегџиќ.
Анализите покажале и дека трагите од левата страна на автопатот, каде се наоѓа бетонскиот столб и за кадешто се претпоставуваше дека најпрвин удрил Младенов, а потоа излетал десно, биле од друго возило од сообраќајка во 2010 година.
„Сега во овој момент се работи за тоа дека сите анализи покажуваат дека се работи за несреќен случај и причините поради кои дошло до излетување на возилото биле предмет на анализа, а тоа значи од криминалистичкото вештачење е утврдено дека брзината на движењето на возилото била 160 километри на час. Тоа излегува како заклучок од првичниот контакт односно удар во заштитната ограда од автопатот. Од левата страна на автопатот, трагите кои останале на заштитната ограда потекнуваат од изолиран случај на сообраќајна несреќа која се случила во 2010 година. Во таа смисла се направени тие споредбени анализи во МВР“ изјави Туфегџиќ.
Но се уште не е утврдено од каде се враќал Младенов вечерта, дали можеби некој го бркал со друг автомобил, дали автомобилот бил технички исправен, а Туфегџиќ не е запознат со тоа дали е пронајден телефонот.тој вели дека сите материјални докази и цела документација ќе биде предадена во јавното обвинителство, па јавниот обвинител ќе одлучи дали ќе отвори истрага, односно дали ќе се направат дополнителни вештачења.
„Ние овој дел го третираме како сообраќајна несреќа, што значи до овој момент немаме индиции дека се работи за кривично дело, но по анализата која ќе биде направена од јавниот обвинител евентуално ќе бидат преземени дополнителни дејствија. Техничката исправност на автомобилот е дел од дополнително, евентулано вештачење, за таква работа треба да се направи проценка од собраните материјали. По однос на дополнителните вештачења на возилото јас не сум запознат , тоа се прави по предлог на јавниот обвинител по направената анализа на материјалните докази“ рече Туфегџиќ.
Истражниот судија, според Туфегџиќ ги дал потребните наредби за овој случај и постапил законски , на лице место бил од 12 до 17 часот. Овие податоци на судот произлегуваат од доставениот записник за увид на лице место, сообраќајно техничко вештачење и доставените криминалистичко техничко вештачење и обдукциониот наод и скица и фотодокументација од лице место.
Младенов загина во тешка сообраќајна несреќа вечерта 26 кон 27 март на патот Велес – Скопје, на клучката кај Хиподром, пред главниот град.
Потрагата по телото на Младенов започна во средата во 9.30 часот откако неговата сопруга пријавила дека го нема.
Возилото „мерцедес“ беше извлечен дури во средата вечерта околу 20 часот, а телото на Младенов беше предадено во судска медицина за обдукција. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.