Црна хроника
На 7 мај пресуда за случајот Јашари, семејството бара отштета од 3 млн денари
На 7-ми мај ќе биде соопштена пресудата за случајот со матурантот Мухамедали Јашари кој го загуби животот во средното градежно училиште во Скопје пред две години.
Семејството на Јашари побара отштета од три милиона денари и судот во кривична пресуда да донесе дополнителна пресуда за нематерија штета.
Обвинителството во своите завршни зборови побара обвинетите да бидат прогласени за виновни согласно кривичниот закон. Според обвинителството, Јашари настрадал од удар со камен во градниот кош, кој му го нанел првообвинетиот Петар Маневски кој е во бегство.
Според обвинителството, Јашари немал никакви здравствени аномалии, па смртта настанала од ударот со камен.
Одбраната на Маневски, пак, побара тој да биде ослободен и тврдеше дека Јашари бил удрен со пендрек а не со камен. Според адвокатот, Ристо Петров, Јашари имал ткн капкасто срце и според него и мал удар кај него можел да предизвика смртни последици. Обвинителството бара Маневски да одговара за нанесување тешка телесна повреда.
Адвокатите, пак, на обвинетите Стефан Гелов и Доријан Тасев кои се товарат за загрозување со опасно орудие, бараат да бидат ослободени, бидејќи немало докази за обвинувањата кои им се ставаат на товар.
Во завршните зборови, обвинетите не додада ништо, единствено Доријан му изрази сочувство на семејството на загинатиот.
Малолетникот Доријан, се наоѓа во малолетничкиот затвор во Охрид, откако по тепачката во градежното училиште ја ограби куќата и го украде автомобилот на лидерот на Обединети за Македонија, Љубе Бошкоски. Петар Маневски, пак, е осомничен дека по инцидентот избодел момче во скопската населба Капиштец.
Матурантот Мухамед Али Јашари загина во април 2011 година во дворот на скопското средно градежно училиште „Здравко Цветковски“ во обид да му помогне на другарот кој се степал со тројцата обвинети.
Според обвинението, тројцата обвинети, Петар Маневски, кој е во бегство, Стефан Гелов и малолетниот Доријан Тасев, дошле во дворот на училиштето и се степале со Дарко Анчев за банални причини.
Маневски го удрил Мухамед Али Јашари со камен во градите. Според Јавното обвинителство, причина за смртта е ударот од камен./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведени крадци во Битола
Вчера во Битола, полициски службеници од СВР Битола ги лишиле од слобода К.Б.(30) и Н.Б.(41), двајцата од Битола.
При претрес во домот на К.Б., извршен со судска наредба, биле пронајдени и одземени пари во различни апоени и повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик.
Додека, при претрес во домот на Н.Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик.
Црна хроника
Казни за 140 возачи, возеле над дозволеното
Во текот на вчерашниот ден Министерството за внатрешни работи спроведе акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 140 возачи.
Од нив четири возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 86 возила ја пречекориле брзината во населено место, а 54 надвор од населено место.
Сообраќајните контроли продолжуваат и во наредните денови, најави МВР и апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Црна хроника
Девојче нападнато од соученичка во основно училиште во Гази Баба
Ученичка била нападната пред два дена во основно училиште во Гази Баба.
Според пријавата, девојчето било нападнато од негова соученичка, а за случајот алармирал таткото на натепаното девојче.
Од МВР велат дека се преземаат мерки за расчистување на случајот.