Црна хроника
Го убил синот, го ранил соседот, па си пресудил
Откако се скарале со синот, таткото зел пиштол и го убил, потоа го ранил соседот, па се убил и самиот, во велешко Горно Оризари.
Трагедијата се случи во недела, околу пладне, кога Мујо Ц. роден 1953 година, со пиштол кој го поседувал со дозвола, го убил својот 36-годишен син Сеад.
Мујо пукал и во соседот Мехо Л. роден 1951 година, кој се здобил со прострелна рана во раката и се наоѓа во велешкиот медицински центар, надвор од животна опасност.
Потоа Мујо се застрелал сам во главата, по што со возило на итна медицинска помош е пренесен во велешката болница, но им подлегнал на повредите.
На лице место полицијата пронашла чаури од пиштол калибар 7,62 мм кои се подигнати за понатамошно вештачење, а увидот се уште е во тек./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.