Црна хроника
Продавач избоден со нож во врат во трафика
Скопјанец бил избоден со нож во вратот во трафика во центарот на Скопје, соопшти МВР.
Непознат разбојник во неделата околу 14 часот се обидел да ја ограби трафиката Бенетон на улица „Митрополит Теодосиј Гологанов“, во центарот на Скопје.
Но, 45-годишниот сопственик и продавач во трафиката му се спротивставил на крадецот. Разбојникот зел нож што бил оставен на работниот пулт, го избодел продавачот два пати во вратот и избегал.
Случаен минувач го пронашол избодениот продавач кој веднаш бил пренесен во Ургентниот центар. Полицијата трага по крадецот./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.