Црна хроника
Убиен братот на водачот на Земунскиот клан
Братот на еден од водачите на Земунскиот клан, Лука Бојовиќ, Никола, беше убиен во понеделник наутро во центарот на Белград, јавуваат српските медиуми.
„Мажот имал прострелни рани во главата, градниот кош, стомакот и подлактицата и затекнат е без свест и со одвај забележливо дишење”, изјави Нада Мацура од белградската Итна помош.
Според неофицијални информации, непознато лице му пришло на Никола Бојовиќ од зад грб и му испукало куршум во тилот, пред очите на минувачите, а потоа додека лежел, испукал уште неколку куршуми во телото.
Никола Бојовиќ и сопругата на Лука Бојовиќ, Барбара беа уапсени на 11 октомври 2012 година со уште 22 члена на криминална банда од Србија, Хрватска и Босна и Херцеговина, осомничени за перење пари и трговија со дрога. Тие по три недели биле пуштени од затворот во Аликанте.
Лука Бојовиќ последните 15 месеци се наоѓа во затвор во Мадрид во самица каде што чека екстрадиција во Србија, каде што е осомничен за повеќе убиства. /крај/бл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.