Црна хроника
Двајца загинати, 11 деца повредени при превртување на трактор во кочанско
Една жена загина и возачот на тракторот, а 11 деца се повредени тешко, од кои три се во критична состојба, и во средата навечер се згрижени на скопските клиники, изјави министерот за здравство Никола Тодоров кој е присутен во Ургентниот центар во Скопје.
До несреќата дошло откако тракторот во чија приколка се превезувале вкупно 16 лица од кои повеќето биле малолетници кои биле на излет во месноста Илин дол, се превртел на патот меѓу кочанските села Пресека и Оризари. Несреќата се случила во средата навечер околу 19.30 часот.
На лице место загинал 63-годишниот Миле Давитков од кочанско Градовци, а 11 деца кои се превезувале во приколката поради сериозните повреди се транспортирани во Ургентниот центар во Скопје.
На скопските клиники, покрај министерот за здравство Никола Тодоров, во средата дона навечер присутни се и премиерот Никола Груевски и повеќе министри кои дошле директно од седница на владата на којашто биле информирани за тешката несреќа./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведени крадци во Битола
Вчера во Битола, полициски службеници од СВР Битола ги лишиле од слобода К.Б.(30) и Н.Б.(41), двајцата од Битола.
При претрес во домот на К.Б., извршен со судска наредба, биле пронајдени и одземени пари во различни апоени и повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик.
Додека, при претрес во домот на Н.Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик.
Црна хроника
Казни за 140 возачи, возеле над дозволеното
Во текот на вчерашниот ден Министерството за внатрешни работи спроведе акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 140 возачи.
Од нив четири возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 86 возила ја пречекориле брзината во населено место, а 54 надвор од населено место.
Сообраќајните контроли продолжуваат и во наредните денови, најави МВР и апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Црна хроника
Девојче нападнато од соученичка во основно училиште во Гази Баба
Ученичка била нападната пред два дена во основно училиште во Гази Баба.
Според пријавата, девојчето било нападнато од негова соученичка, а за случајот алармирал таткото на натепаното девојче.
Од МВР велат дека се преземаат мерки за расчистување на случајот.