Црна хроника
Непознати мотивите за објавување на идентитетот на заштитениот сведок за убиството во Ореше
Мотивот зошто новинарот, Томислав Кежаровски го објавил идентитетот на заштитениот сведок во случајот Ореше во неговото списание „Репортер 92“ во 2008 година сé уште не се познати. А не е познато и засега нема докази дека новинарот зел поткуп за да го открие идентитетот.
На новинарот му се става на товар дека незаконски го објавил името на заштитениот сведок за убиството во Ореше за коешто судот на 29-ти март годинава поради немање докази ги ослободи браќата Ордан и Лупчо Ѓоргиевски, како и Ѓоре Петровски, од обвинението за платено убиството на 74-годишниот Лазар Милошевски од велешкото село Ореше. Претходно браќата беа осудувани на 12 години затвор, но Апелација, двапати ја поништуваше првостепената пресуда.
Поранешниот истражен судија од Основниот суд во Велес во случајот Ореше, според Министерството за внатрешни работи, откако го сослушал загрозениот сведок, примерок од записникот во кој имало телефонски број на сведокот, како и своерачен потпис, им дал го на адвокатите на обвинетите во случајот.
Записникот подоцна бил објавен во два последователни броја во списанието „Репортер 92“ со што бил откриен идентитетот на заштитениот сведок „Бреза3 во случајот Ореше .
Според МВР, другиот поранешен судија, и осомничениот адвокат инаку сопственик на хотелот „Романтик“ во Велес посредувале кај Јавниот обвинител да даде согласност да им се укине мерката притвор на обвинетите за убиството во Ореше.
Обвинителот прифатил, но не му дале позитивно мислење од Вишото јавно обвинителство. Освен тоа, судијата по барање на јавниот обвинител, ја заменил доставницата на пресудата во ОЈО Велес , односно дека е примена десет дена подоцна, со што му овозможил на обвинителот да поднесе жалба за висината на казната, иако рокот веќе истекол.
На почетокот на оваа година се случи пресврт во овој судски процес, кога заштитениот сведок под псевдонимот „Бреза“, кој настапи со изјава против обвинетите за платеното убиство во село Ореше, призна дека инспектори од Управата за безбедност и контраразузнавање (УБК) го принудиле да прифати улога на заштитен сведок, со цел да даде изјава против обвинетите, браќата Ордан и Љупчо Ѓорѓиевски.
Новинарот Кежаровски по сообраќајката во која загина сопственикот и новинарот во Фокус, Никола Младенов во весникот Нова Македонија, каде што сега работи, објави материјал за кои тврди дека се докази, поточно ливчиња од патарини за којшто се претпоставува дека биле на Младенов, а биле оставени на местото каде што се случи трагедијата, по увидот на истражните органи.
Во големата полициска акција „Ликвидација“, уапсени се вкупно осум лица, сопственикот на ресторанот „Романтик“ во Велес кој работел и како адвокат, судија во Основен суд Велес и кој е и Претседател на кривичен совет, поранешен судија, лице познато од скопското подземје, поранешен истражен судија при Основен Суд Велес, Јавен Обвинител во ОЈО Велес, новинарот и посредник.
Судијата во Основниот суд во Велес и претседател на кривичниот совет во 2008 година преку посредник побарал паричен износ од две илјади евра за да им ја укине мерката притвор на двајца осомничени за разбојништво иако не биле исполнети условите за тоа.
Истражниот судија и јавниот обвинител во друг случај посредувале кај друг јавен обвинител кој го водел предметот за недозволено изработување на оружје, за да издејствуваат кај притвореното лице да не му биде продолжена мерката притвор, а обвинителот посредувал и кај судијата.
Тој го осудил лицето условно и му ја укинал мерката притвор. Уапсените се товарат за „злоупотреба на службената положба и овластување“, „примање поткуп“, „противзаконито посредување“, „поттикнување“, „помагање“ и „соизвршителство“и „неовластено оддавање информации и податоци за сведоците, соработниците на правдата, жртвите кои се јавуваат во својство на сведоци и нивните блиски лица“ од Законот за заштита на сведоци./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.