Црна хроника
Брачна двојка издрогирана, ограбена и однесена на Галичица
Брачна двојка од Скопје заминала во Охрид за да купи автомобил, но биле издрогирани, ограбени и однесени на Галичица со гребнатини и набиеници по телото, соопштија од МВР.
За ова осомничени се двајца 37 годишни охриѓани, едниот е во бегство, а другиот е приведен.
Во понеделникот брачните партнери тргнале во Охрид за да купат автомобил „Мерцедес“ кој го нуделе двајцата охриѓани, измамници на социјалните мрежи и го продавале за 3.500 евра.
Кога се сретнале, едниот од измамниците им се претставил како Сашо и ги однел во својот стан на улица „Мирче Ацев“ и ги лажел дека неговата сопруга ќе дојде набргу и ќе го донесе автомобилот.
Ги послужил со инстант нес кафе и со кисела вода, по што брачната двојка почувствувале замаеност и зашеметеност и од тогаш не знаат што се случувало со нив.
Сопругот се освестил истиот ден околу 18.40 часот и видел дека лежи во планински предел на трева. Позади него лежела и неговата сопруга, а од нејзината ташна биле украдени вкупно 2.800 евра и 58.000 денари.
Од нејзиниот мобилен телефон се јавил во охридската полиција, но не знаел да им каже каде се наоѓаат. По кратко време на патот се појавил автомобил и тогаш дознале дека се наоѓаат на местото Корита на планината Галичица.
Двојката била најдена и пренесена во полиција каде биле констатирани набиеници и гребаници по главата, градниот кош и екстремитетите на сопружниците и употребено средство со непозната содржина за успивање.
Едниот измамник кој ги пречекал е приведен, но другиот кој бил задолжен да купи кафе и кисела вода од продавница е во бегство. Откако ги издрогирале ги сместиле во автомобил, ги ограбиле и ги однеле на Галичица. Против двајцата е поднесена кривична пријава за разбојништво./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.