Црна хроника
Експлозија во Самоков
Сув барут експлодирал во петокот попладнето во магацинот на Сумбро Треијд дооел, поранешен Сувенир Самоков, соопшти Дирекцијата за заштита и спасување (ДЗС).
Во настаната експлозија нема повредени лица, а е настаната материјална штета која дополнително ќе се утврдува. По првата експлозија набрзо настанале и две помали и поврзани експлозии. Веднаш се известени вработените на подрачното одделение на Дирекцијата за заштита и спасување кои се на терен со противпожарните единици. Известена е полицијата која испратила екипа од крим техника. На самото место има сама мал чад од догорување, но поради специфичноста на магацинот може да се случат дополнителни експлозии во понатамошниот период, и заради тоа не може да се пријде на самото место на експлозијата, ќе се чека соодветен период кога ќе може да се интервенира. Вработените од подрачното одделение на Дирекцијата за заштита и спасување заедно со противпожарните екипи и полицијата ќе останат на лице место да ја обезбедат локацијата до понатамошна интервенција. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.