Црна хроника
Доживотен затвор за Американката што му го отсече пенисот на мажот
Жената од јужна Калифорнија којашто на својот поранешен сопруг му го отсече пенисот и го фрли во ѓубре, осудена е на доживотна затворска казна со можност за помилување, објави судот во саботата.
Поротата во Ориџ Каунти ја осуди 50-годишната Кетрин Киу за нанесување тешки телесни повреди и мачење, откако во јули 2011 година го осакати својот поранешен сопруг.
Жената, по потекло од Виетнам, ставајќи му во тофуто апчиња за спиење го дрогирала својот поранешен 60-годишен маж, го врзала и со кујнски нож му го отсекла пенисот кој потоа го фрлила во ѓубре.
Катрин Киу откако на сопругот во храната му ставила таблети за спиење и дерејќи се „си заслужил“ го отсекла делот од неговиот пенис со кујнски нож. Била љубоморна поради неговите планови да се разведе, бидејќи ја обновил врската со негова поранешна партнерка.
Нејзиниот адвокат изјави на судењето дека неговата клиентка била жртва на сексуално злоставување и дека патела од пострауматско стресно пореметување. Рекол, исто така, дека Кие жали поради нападот.
Заменикот јавен обвинител на областа јужна Калифорнија во врска со овој случај на судењето во април изјави дека „Жената отишла во крајност со уништувањето на машкоста и нејзино фрлање во ѓубре. Таа го стори ова од одмазда, суета и љубомора“.
На судењето нејзиниот 60-годишне сопруг чие име не се споменува во прилогот, изјави дека делот од отсечениот пенис не можел да се пришие назад и дека се чувствува како да умрел./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.