Црна хроника
Приврзаник на Вранишковски со клетви кон новинарите
Судењето на кое треба да се соопшти за случајот „Расколник“ во којшто е обвинет расчинетиот владика Јован Вранишковски и уште 18 негови приврзаници и роднини започна тензично со клетви и навреди кон новинарите.
Давид Нинов, еден од обвинетите приврзаник на Православната Охридска Архиепископија ПОА, додека судиите одлучуваа во врска со предлог на адвокатот на обвинетите, се заврте кон новинарите и ги нарече платеници, затоа што не го следеле процесот за Вранишковски, а тоа го покажувале и извештаите на Фридом хаус.
„Ако сум јас крив за тоа што ме товарат, јас да умрам. Ако не вам најмилото да ви умрe“, им рече Нинов на новинарите, јави репортерот на Макфакс.
Судијата место да соопшти пресуда, го врати процесот на доказна постапка и сослушуваше сведок кој тврдеше дека му бил сосед на Вранишковски во Нерези и дека имале спор околу плацовите со кои се граничеле. Тврдеше дека 500 метри квадратни од неговото лозје уништил Вранишковски и побара од него земјата да биде вратена во првобитна состојба.
Токму овој сведок ги изреволтира и ги изнервира обвинетите. Според нив, тој би лажен, а одлуките на судот не ги носел судијата туку некој друг.
Адвокатот на обвинетите, Александар Тортевски, рече дека од лични и морални причини го откажува полномошното бидејќи, како што рече, не сака да учествува во наместен процес.
Вранишковски тврдеше дека не го знаел сведокот, за кој рече дека бил лажен.
„Судијата не е виновен, судијата ќе игра како ќе му свират, јас се жртвувам за црквата“, рече Вранишковски, кој додаде дека судот нема никакви докази за случајот за којшто ги товари. Според него, сведокот не знаел да каже ниту кога точно се сретнале, а неговата мајка, која исто така е обвинета во случајот, рече дека најверојатно тоа е човек кој е собран од улица и на кој му дале пари да сведочи против нив.
Сепак судијата за во 11.30 закажа пресуда за случајот./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.