Црна хроника
Ќумбе за греење причина за пожарот во кој изгореа мајка и дете
Пожарот кој избувна во импровизирана барака во месноста Мауцкер во Охрид во којшто изгореа мајка и седуммесечно бебе најверојатно избувнал од ќумбе кое било користено за затоплување во студените ноќи.
„Ќумбето било поставено веднаш до импровизиран ѕид кој е целосно изгорен. Не можам да ја исклучам можноста дека пожарот е подметнат, но тоа ќе го утврдува истрагата, бидејќи не е познат ниту идентитетот на жртвите„ изјави Спасе Прентоски командир на ТППЕ Охрид, јавува Охридњус.
Телата на загинатите се предадени на обдукција, за утврдување на идентитетот на жртвите.
Претходно противпожарната единици во Охрид два пати интервенирала на импровизираниот објект во Чекоштина, кој бил опожаруван.
Пожарот го пријавил вработен во бензинска пумпа во 5.45 кога забележал огромен чад и пламен од бараката.
Пријавителот забележал огромен чад и пламен во објектот. Интервенирано е со две противпиожарни возила и 8 пожарникари на непристапен терен. За жал од пожарот објектот бил целосно уништен. При гасењето на пожарот пронајдено е јагленисано тело најверојатно на жена и бебе на возраст од околу 7 месеци“ изјави Прентоски./крај/охридњус
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кучиња скитници искасаа три лица во Скопје
Синоќа, во 20.45 часот, во Полициската станица Аеродром, К. И. (48) од Скопје пријавила дека на улицата Владимир Комаров во Скопје била касната од куче скитник.
Истиот ден околу 14.20 часот во Полициската станица Карпош, Б. Р. (54) од Скопје пријавил дека во Градскиот парк во Скопје бил каснат од куче скитник.
Вчер,а во 15.45 часот, во Полициската станица Драчево, А. Н. (52) од Скопје пријавил дека на улицата Јустинијан Први во Скопје бил каснат од куче скитник.
Црна хроника
Возило излетало од патот Куманово – Скопје, возачот тешко повреден
Синоќа, во 19.20 часот, во СВР Куманово било пријавено дека на регионалниот пат Куманово – Скопје, кај с. Ново Село, Кумановско, патничко возило „сеат“, со кумановски регистарски ознаки, управувано од А. З. (20) од Куманово, излетало надвор од коловозот.
Во несреќата тешки телесни повреди добил возачот, констатирани во комплексот клиники „Мајка Тереза“ во Скопје.
Извршен бил увид од екипа на СВР Куманово.
Црна хроника
Приведени крадци во Битола
Вчера, во Битола, полициски службеници од СВР Битола ги лишиле од слобода К. Б. (30) и Н. Б. (41), двајцата од Битола.
При претрес во домот на К. Б., извршен со судска наредба, биле пронајдени и одземени пари во разни апоени и повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.
А при претрес во домот на Н. Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.