Црна хроника
Со криумчарење добиток `заработиле` 2.000.000 евра
Петмина македонски полицајци – граничари, ветеринар од Кичево и уште 12 други Македонци и 14 албански државјани се дел од криминална група за криумчарење и транспорт на жив добиток од Македонија во Албанија, откриени во четвртокот во координирана акцијата наречена „Милка“.
Криминалната група ја воделе 14 албански и еден 30 годишен македонски државјанин од село Велешта-Струшко, а Како членови на групата со посебни задолженија поврзани со незаконитите постапувања се јавуваат останатите македонски државјани на возраст од 25 до 62 години, родум од Велешта, Дебар и неколку дебарски села.
Меѓу осомничените се и ветеринар од Кичево и пет полициски службеници од граничните премини „Блато“ и „Џепчиште“.
Според досегашните сознанија, криминалната група делува од 2011 година, од кога организира и се занимава со купување, транспорт, складирање и криумчарење (пренесување) преку зелената гранична линија – терање добиток (телиња и јунци) избегнувајќи ја полициската и царинската контрола од територијата на Македонија во Албанија во близина на село Спас-Дебар кое се наоѓа на 500 метри од граничниот премин Блато.
Добитокот главно го купувале од сточните пазари во Македонија во Боговиње-Гостивар, во Кривогаштани – Прилеп и во Кичево, по што до подрачјето на општина Дебар во село Спас ги транспортирале со товарни моторни возила, им ги отстранувале идентификационите ушни значки за да не може да се утврди потеклото, а потоа пеш преку зелената гранична линија илегално ги пренесувале во Албанија каде ги препродавале за повисока цена, а до сега успеале да пренесат 2037 грла жив добиток.
Во Македонија добитокот го набавувале во просек по 2 евра за 1 кг., а во Албанија го продавале по сума од 5 до 6 евра, при што за 1 кг. во просек остварувале 3,5 евра противправна имотна корист, односно за целиот период се стекнале со противправна имотна корист од најмалку 2.138.850 евра..
Во Спас добитокот го сместувале во штали, сопственост на членови на групата, по што полициските службеници-старешини и вработени во полициските станици за гранична контрола „Блато“ и „Џепчиште“ по примен поткуп, злоупотребувајќи ја својата службена положба со организаторите на групата ја договарале маршрутата и временскиот период кога да го пренесат илегално добитокот во Албанија.
Полициските службеници им кажувале информации за моменталната поставеност на полициските патроли или истите ги препраќале на друга локација.
За непречено одвивање на транспортот на добитокот од местотот на купување до село Спас, оваа криминална група во своите редови имала и ветеринарен инспектор задолжен за изработка на фалсификувана пропратната документација.
Прокриумчарениот добиток во Албанија е преземан од членовите на криминалната група од Албанија, транспортиран и продаван на пазарите во Тирана, Елбасан и Драч.
Во текот на вчерашниот ден, врз основа на судски Наредби, извршени се претреси на вкупно 18 локации (13 во Дебар, четири во Струга и една во Кичево), домови и други простории на членовите на организираната група, при што лишени се од слобода вкупно 15 лица (14 македонски државјани и еден албански државјанин).
При извршените претреси во домовите на членовите на групата, пронајдени и одземени се четири пиштоли, 125 парчиња муниција, две грла добиток, разни видови документи за потеклото, сопственоста и здравствената состојба на добиток, пет товарни и две патнички возила, 323.085 евра, 90.930 долари, 1.390 франци и 740.000 денари, како и телефонски апарати и сим картички од различни оператори.
Против осомничените до ОЈО за гонење на организиран криминал и корупција против вкупно 32 лица (17 македонски и 14 албански државјани) членови на криминалната група ќе биде поднесена кривична пријава поради постоење на основано сомнение дека ги сториле кривичните дела „Злосторничко здружување“, „криумчарење“, „фалсификување на знаци од вредност“, „Злоупотреба на службена положба и овластување“, „Давање поткуп“, „Примање поткуп“ и „Помагање“.
Се преземаат мерки за пронаоѓање и лишување од слобода на уште вкупно 16 лица (тројца македонски 13 албански државјани), додека пак еден од пријавените веќе се наоѓа во притвор за сторено кривично дело „неовластено производсто и пуштање во промет на наркотични дроги, психотропни супстанци и прекурсори“.
Во текот на операцијата „Милка“, Министерството соработуваше со албанската полиција преку СЕЛЕК Центарот, така што соработката ќе продолжи и при преземањето на натамошните дејствија односно откривањето и лишувањето од слобода и на останатите членови на оваа група./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.