Црна хроника
Во пожари изгореа градежни материјали, сено и жито
Градежни материјали, сено и жито изгореа во два одделни пожари што се случија во неделата во селото Глуво и во селото Арачиново.
Пожарот во селото Глуво кое се наоѓа на магистралниот пат Скопје – граничен премин Блаце избувнал во неделата во 11 часот. Најверојатно непознато лице со запалива течност запалило нискостебелста трева покрај патот.
Огнот брзо се проширил и го зафатил блискиот плац на кој имало монтажни објекти со градежни материјали во сопственост на фирмата „Партнер шанкарев“.
Во пожарот изгорел градежен материјал, како и монтажните објекти кои се користеле како магацини и во коишто имало алати.
Пожарот го забележале работници од соседниот плац кои повикале полиција и пожарот бил изгаснат.
Уште еден пожар се случил во неделата во 16 часот во скопското село Арачиново. Се запалила кровна конструкција во штала при што изгореле 500 балиња сено и 2.000 килограми жито. Увидот на местото на пожарот ќе се врши во текот на денот./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.