Црна хроника
Кочанчанец фатен во Скопје со 670 грама хероин
Кочанчанец фатен со 670 грама хероин во скопската населба „Ѓорче Петров“, кадешто дошол да ја продаде дрогата.соопшти МВР.
Дваесет и осумгодишниот кочанчанец бил фатен со хероинот во средата додека го чекал скопјанецот со кој се договорил да му ја продаде дрогата да му донесе пари и марихуана.
Во Скопје дошол со „ауди А6“,а хероинот го купил од Бугарин во Кочани за 1.500 евра. Се договорил со скопјанецот да се најдат во „Ѓорче Петров’ и за хероинот, скопјанецот требало да му донесе 10 килограми марихуана и 4.000 евра.
Но додека чекал кочанчанецот, полиција го легитимирала и ја зела кесата којашто продавачот на дрогата ја спуштил кога ги видел полицајците. Во кесата била дрогата, па против него е поднесена кривична пријава. Претходно кочанчанецот имал пријави за “затајување“, “фалсификување пари“ и кривично дело по Законот за безбедност во сообраќајот./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.