Црна хроника
Најмалку 38 загинати во автобуската несреќа во јужна Италија
Најмалку 38 луѓе загинаа на југот од Италија во автобуската несреќа што се случи ноќта кон понеделникот кога автобус се урна од вијадукт на државниот пат А16 во амбис длабок 15 метри, објавија локалните власти.
Според последните официјални информации од италијанските спасувачки служби, од 7 часот утрото во понеделник, десетина патници се хоспитализирани, а повеќето од нив се во критична состојба.
Вкупно до уништениот автобус биле извлечени телата на 36 загинати патници, а уште двајца починале од повредите во болница.
Според сообраќајната полиција, несреќата се случила на делницата Неапол – Каноза, На автопатот А 16 во близина на автопатот Монтефорте Ирпино. Автобусот превезувал околу 48 лица на враќање во Неапол, по нивнито аџилак во регионот Кампања.
Според очевидци, автобусот најверојатно имал проблем со системот за собирање. Портпаролот на противпожарната служба изјави дека во несреќата се инволвирани уште најмалку два автомобила. Според очевидци, по откажувањето на сопирачките, автобусот удрил уште неколку други возила, потоа излетал од патот и паднал во бездната, при што починал на самото место и возачот. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.