Црна хроника
Во три кражби одземени предмети, злато и пари од над 60 илјади евра
Во изминатото деноноќие на полицијата и’ се пријавени три тешки кражби, во коишто спроед првичните процени се оттуѓени вкупно околу 60 илјади евра.
Во четвртокот околу пладне во центарот на Скопје, на паркингот на улицата „Мито Хаџивасилев -Јасмин“, за сега непознат крадец обил џип „махиндра“ со скопски регистерски таблички сопственост на 64-годишне скопјанец, и од возилот одзел чанта во која имало 500 илјади денари.
Ноќта во четвртокот, во периодот меѓу 21,30 и 23,30 часот, во тетовското село Седларце, во домот на 34-годишен локален жител, исто така, засега неидентификуван крадец извршил тешка кражба и одзел поголемо количество златен накит, околу илјада евра, лаптоп „леново“ и други предмети чијашто вкупна вредност се проценува на околу 600 илјади денари. Арамијата со попмош на соодветен предмет отворил еден од прозорците на приземјето, влегол во куќата и откако успеал да ги пронајде скриените пари и накитот, без да биде забележан исчезнал во непознат правец.
Како што проценува полицијата, извесно време подоцна на десетина километри од претходната кражба, во периодот од 22,30 до 00,30 часот, во гостиварското село Чегране во куќата на 50-годишен жител повторно непознат извршил тешка кражба и одзел поголемо количество златен накит и вредни предмети, чијашто вкупна вредност се проценува на околу 40.500 евра. По речиси рутинска постапка, крадецот со погоден предмет ја обил споредната дрвена врата на приземјето од домот на чегранецот, влегол во куќата каде извршил пребарување, ги пронашол спомнатите предмети./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.