Црна хроника
„Алфите“ уапсија тројца криминалци барани со потерница
Три лица кои се бараа со распишани потерници за издржување затворски казни за различни тешки кривични дела, од загрозување на безбедноста, па до спречување избори и гласање, беа приведени од припадниците на мобилната единица „Алфа“.
Во Скопје, на улицата „Ќемал Сејфула“ пронајден е и приведен Јетон Р. (26), баран по наредба од Основен суд Скопје 1 за издржување казна затвор во траење од вкупно тринаесет години и шест месеци. Пресудите му се изрекувани за повеќе кривични дела како: неовластено производство и пуштање во промет на наркотични средства и други психотропни супстанци, даночно затајување, загрозување на безбедноста, употреба на исправа со невистинита содржина, измами и прикривања.
Во вториот случај, на место викано Љубински пат приведен е 41-годишниот Исмет А.од село Сарај, Скопје, баран по наредба од Основен суд Скопје 1 – Скопје за издржување на казна затвор во траење од една година за фасификување на пари и за извршени повеќе тешки кражби.
Во третиот случај, „алфите“ на улица. Антон Попов го нашле 35-годишниот Али А., од село Грушино, Скопје, баран по наредба на Основен суд Скопје 1 – Скопје за издршување казна затвор во траење од шест месеци за спречување на избори и гласање, недозволено изработување, држење и тргување со оружје./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.