Црна хроника
Бостонскиот гангстер Балџер осуден за убиства и рекет
Џејмс „Вајти“ Бaлџер, еден од најозлогласените бостонски криминалци со најмногу публицитет, во понеделникот поротата го прогласи виновен за убиства и рекетирање на судењето кошето траеше повеќе од два месеца.
Поротниците, меѓутоа, утврдиле дека сојузните обвинители ги докажале своите тврдења во само 11 од 19-те убиства за кои беше обвинет дека ги извршил или наредил да бидат извршени додека ја предводел „Винтер Хил“, легендарната гангстерска банда од седумдесетте и осумдесеттите години на минатиот век.
Џејмс Балџер кој сега има 83 години, веројатно остатокот од животот ќе го мине во затвор. Тој беше уапсен во 2011 година во сојузната држава Калифорнија, во Санта Моника откако десет години беше на врвот од најбараните личност од страна на американското Федерално биро за истраги FBI за кого беше распушана награда од два милиона долара. Балџер тогаш беше уапсен без инциденти во приватна резиденција каде престојувал со неговата придружника Катерина Грег со која исчезнаа во 1994 година.
Поротата утврдила дека властите докажале 11 убиства, повеќето во периодот кога тој бил доушник на FBI, не се докажани седум а во еден случај поротниците не успеале да донесат одлука, пренесува Reuters.
Балџер се изјаснил невин, иако неговите адвокати признале дека нивниот клиент бил трговец со дроги, уценувач и лихвар, или „организиран криминалец“. Самиот тој одбил да сведочи на судењето.
Процесот против Балџер беше редовно следен од повеќето преживеани членови на семејствата не неговите жртви кои долго ја очекуваа пресудата за убиствата.
Вајти, кој е инаку брат на поранешниот влијателен демократскиот сенатор Вилијам Балџер, беше прототип за главниот лик во трилерот „The Departed“ од 2006 година на Мартин Скорсезе.
Во феврурари 2013 година беше објавено дека во мај во продукција на студиото „Universal“ почнува снимањето на филмот посветен на животот и судбината на Џејмс Вајти Балџер, гангстерот кој станал доушник на FBI за да го елиминира својот гангстерски конкурент, меѓутоа на крајот во 2011 година го уапсија токму сојузните агенти. Сценариото за филмот е направено според книгата на двајца новинари на дневниот весник Boston Globe, „Black Mass“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.