Црна хроника
Во судир меѓу вапорето и гондола во Венеција загина германски турист
Во судар на гондола и вапорето (речен трамвај) на венециското јавно сообраќајно претпријатие, во саботата околу пладне загинал германски турист, а неговата ќерка е тешко повредена, јави агенцијата Ansa
Германскиот турист се наоѓал во гондолата заедно со сопругата и трите деца, а несреќата се случила во близина на прочуениот мост Риалто, по маневра на вапоретото, кое, според првичните информации, удрило во гондолата избегнувајќи го густиот сообраќај.
Германскиот турист најверојатно останал пригмечен меѓу двете пловила, а девојченцето претрпело потешка повреда на лицето. Другите патници во гондолата и гондолиерот паднале во водата, но останале неповредени. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.