Црна хроника
МВР поднесе кривични пријави против десет вработени во АД „Македонска Пошта“
Министерството за внатрешни работи во неделата соопшти дека поднесе кривични пријави против десет вработени во АД „Македонска Пошта“ за несовесно работење во службата.
Кривична пријава до Обвинителството е поднесе против, А.С.(31), З.Ј.(50), Г.А.(27), И.А.(40), Б.И.(32), Р. Џ.(29), Н.Б.(30), И.П.(41), В.Б.(48) и В.Т.(49), сите од СкопјеКривичното дело го извршиле во својство на службени лица, на тој начин што со пропуштање на должниот надзор и несовесното постапување во вршењето на своите овластувања и должности, овозможиле на 26.07.2013 година во 07,15 часот на ул.„Кемал Сејфула“во Скопје, во пошта Чаир две непознати маскирани и вооружени лица да извршат кривично дело “разбојништво” и да одземат 13.660.000 денари, со што се стекнале со противправна имотна корист и ја оштетиле не само АД „Македонска Пошта“ туку и Република Македонија бидејќи станува збор за претпријатие во државна сопственост.Имено, на 26.07.2013 година во 07,15 часот две непознати маскирани лица, во пошта Чаир влегувајќи преку необезбедена и незаклучена безбедносна решетка и врата од службениот влез, влегле во ходникот пред втората заштитна решетка која исто така не била заклучена, потоа во просторијата на благајната, каде исто така имало безбедносна решетка и врата кои не биле заклучени и затворени, согласно безбедносните прописи и правила, и со закана со пиштоли врз четврттопријавениот И.А.(40), и поштарот А.С.(44) од Скопје, одземале две вреќи во кои биле парични средства од Буџетот на Р.Македонија за исплата на корисници по основ на родителски додаток, посебен додаток и додаток за новороденчиња, а горе пријавените како службени лица вработени во АД „Македонска Пошта“ со пропуштање на должниот надзор и несовесното постапување во вршењето на своите овластувања и должности им овозможиле на двете лица непречено извршување на наведеното кривично дело и да прибават противправна имотна корист од 13.660.000 денари.А.С.(31) како Управник на РЕ Чаир имала обврска да го организира вкупниот процес на работа во работната единица и во единиците на поштенска мрежа, како и да превзема мерки за прописно извршување на поштенските услуги и воедно да го контролира вкупното работење на Работната единица како и да ги следи и применува законските прописи. Спротивно на работните задолженија според кои морала да врши редовна контрола врз „Очевидникот за клучеви на каси“, истиот го водела неуредно, а освен тоа не ја вршела контролата на безбедносните камери и на тој начин овозможила неконтролирано влегување и излегување од службената врата на поштата. З.Ј. и Г.А. во својство на службени лица контролори на РЕ Чаир биле задолжени да вршат манипулативна и оперативна контрола, а кривичното дело го извршиле на тој начин што постапиле спротивно на Упатството за ракување со клучеви од влезни врати во објекти на АД „Македонска Пошта“ и овозможиле неконтролирано влегување и излегување од службената врата на поштата. На 26.07.2013 година, З.Ј. не била дојдена на работното место во точно утврденото работно време во 07,00 часот за да ја отклучи врата од службениот влез, бидејќи истата ги имала задолжено клучевите според Очевидникот за клучеви од влезна врата, а Н.Б. во 06,00 часот ја отклучил безбедносната решетка и вратата од службениот влез и ги оставил отворени. Исто така, З.Ј. и И.А. постапиле спротивно на Правилникот за благајничко и сметковно работење според кој со главната благајна ракуваат, по правило, двајца сметкополагачи кои одговараат заеднички за работите што ги вршат и спротивно на ова, И.А. сам ја превземал паричната дотација од Поштенска банка (одземените пари 13.660.000 денари) од Б.И. и Р.Џ. Како главен благајник, И.А. имал обврска да презема парични дотации од Поштенска банка заедно со клучарот односно во критичниот период требало да ги преземат со З.Ј. Спротивно на тоа, не ги преземал потребните безбедносни мерки што бил должен да ги преземе и не ја затворил сигурносната решетка и заштитната врата од просторијата а заедно со З.Ј. иако биле должни заеднички да ги отворат вреќите со парична дотација, да ги пребројат паричните средства и да ги заклучат во соодветната каса, не го направиле тоа, со што постапиле спротивно Правилникот за благајничко и сметковно работење. Б.И. и Р.Џ., двајцата во својство стручни соработници за безбедност во Самостојната служба за безбедност во „Македонска пошта“ имале обврска да го организираат и кординираат работењето на работниците за обезбедување, да се грижат за непречено функционирање на системите за техничка заштита на објектите и да вршат и други работи што ќе му бидат доверени од раководителот на самостојната служба И.П. Наместо тоа, по негова претходна усна наредба вршеле работни задачи на работник за обезбедување при транспорт на пари и со полициска придружба донеле две вредносни вреќи со парична дотација од Трезорот на Поштенска банка, кои ги предале на И.А., без притоа да реагираат и да го предупредат за необезбеденоста на објектот и просторијата на благајната и како што влегле преку незаклучените и необезбедените врати во поштата, така без да се грижат за безбедноста на објектот и паричните средства си заминале. Н.Б. на работно место пошторазнесувач, делото го извршил на тој начин што во критичниот момент ја отклучил безбедносната решетка и вратата од службениот влез и се качил на вториот кат во поштата за да дели пратки по доставни реони, и поради неправилна употреба на клучевите од влезните врати и сигурносните решетки овозможил неконтролирано влегување и излегување од службената врата. И.П. како Раководител делото го извршил на тој начин што иако бил должен и знаел дека вработените во поштата не се придржуваат согласно упатството за ракување со клучеви од влезни врати во објекти на Македонска Пошта, за што и во повеќе наврати му било укажувано од страна на Б.И. и Р.Џ., постапил спротивно на неговите должности и овластување и со тоа овозможил да се изврши кривичното дело “разбојништво”. В.Б. во својство на Раководител на Самостојна служба за внатрешна контрола била задолжена да го контролира функционирањето на поштенскиот соообраќај во сите фази на технолошкиот процес, да го контролира начинот на извршување на поштенските услуги, безбедното функционирање на поштенскиот сообраќај, безбедноста на поштенските пратки, средства, објекти и луѓе и врши други работи што ќе му бидат доделени од Генералниот директор. Кривичното дело “Несовесно работење во службата “ го извршила на тој начин што постапувајќи спротивно на своите должности не извршила никаква соодветна контрола со која би ги увидела сите неправилности во работењето и безбедносните пропусти во објектот. В.Т. на работно место Директор на Подружница Пошта Скопје 1 била задолжена да ја организира и координира работата на Подружницата, и доследно да се ангажира за примена на општите и посебните акти на Друштвото, презема мерки за заштита на вработените и зајакнување на поштенската безбедност. Постапувајќи спротивно на тоа, кривичното дело го извршила на тој начин што не посочила, а задолжително морала да предочи на самостојната служба за безбедност за потребата од постојано обезбедување на доставните Единици на Поштенска Мрежа за време на исплата на парични средства. Од страна на Истражниот Судија на горенаведените лица (со исклучок на Н.Б.) одредена им е мерка притвор во траење од 30 дена. Мерката притвор за В.Б. и Г.А. е изречена во отсуство. Инаку, од пријавените лица во евиденциите на МВР единствено минува четвртопријавениот И.А. за сторено кривично дело “фалсификување на исправа“ за што издржал и затворска казна во траење од една година и три месеци. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело – Тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.