Црна хроника
Нова кражба на скапоцен накит во Кан
Две засега неидентификувани лица со измама во четвртокот ноќта украле накит во вредност од 72 илјади евра во една од продавниците за скапоцености на славното шеталиште Кроазета во Кан, пишува во петокот електронското издание на дневниот весник Nice-Matin.
Кратците однеле со себе прстен накит опточен со трикаратен дијамант. Според сознанијата крадците во златарницата „Korloff“ биле маж и жена коишто се преправале дека се клиенти. Други детали не се обајвени.
Француските медиуми нагласуваат дека кражбите на скап накит ова лето на францускиот Азурен брег алармантно зачестија. Само пред два дена беше пријавена кражбата на прстен со дијамант во уточнета вредност од 80 илјади евра во златарницата во познатиот хотел „Gray’s Albion“.
Претходно во јуни при крајот на филмскиот фестивал во Кан во текот на забава со ѕвездите исчезна дијамантски ѓердан вреден 2,6 милиони долари, на јувелирската компанија „De Grisogonо“, а претходно во мај крадците украдоа скапоцени камења кои се проценети на 1,4 милиони американски долари од швајцарската јувелирска компанија „Chopard“.
Меѓутоа, најмногу одекна кражбата од крајот на јули кога од луксузниот хотел „Carlton“ од изложбата на руско-израелската куќа за дизајнирање накит „Leviev“, еден маж, под закана со оружје украде накит со дијаманти проценет на 136 милиони долари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.