Црна хроника
Две тони кокаин запленети во Парагвај
Две огромни пратки со кокаин кои пристигнале од Боливија и од Перу, со вкупна тежина од 1.800 килограми кокаин и 700 килограми марихуана, во вкупна вредност од 100 милиони доалри, се запленети во Парагвај, објави во петокот тамошната агенција за борба против дрогите.
Првата пратка од еден тон кокаин била запленета на имот во округот Президенте хајес, 300 километри северозападно од главниот град Асунсион. Сопственикот на имотот и двајца вработени се притворени.
Втората пратка од 800 килограми кокаин, е запленета во округот Консепсион, во близина на границата со Бразил. Агентите на националната агенција за борба против другите уапсиле двајца криумчари и откриле хангар за мали туристички авиони, користени за растурање дрога во регионот.
Вкупно во акцијата се уапсени пет лица, запленето е поголемо количество оружје, разни предмети и автомобили.
Парагвај е на крстосницата на правците за трговија со дрога во Андите на патиштата за Аргнетин аи Бразил, д каде потоа се транспортира за Африка и за Европа. Оваа мала земја, исто така, е еден од најголемите светски произведувачи на марихуана./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.