Црна хроника
Уапсен еден од водачите на ‘наркотемпларите' во Мексико
Еден од челниците на наркокартелот Рицари на редот на темпларите . Григорио Абеха е уапсен во Мексико, објави во вторникот портпаролот на кабинетот за безбедност Едуардо Санчез.
Според портпаролот, Григорио Абеха бил уапсен уште пред неколку дена во градот Морелија, главен град на мексиканската сојузна држава Мичоака, а сега се наоѓа во специјалниот затвор во Гвадалахара. По него мексиканските власти распишаа награда од три милиона пезоси или 240 илјади американски долари.
„Од 2011 година уапсениот се смета за еден од главните виновници за насилства извршени во Мичоакан“, истакнал Санчез. Абеха е осомничен за грабнувања и трговија со дроги. При неговото апсење биле запленети оружје, муниција, пари и автомобил.
Последните неколку седмици, во државата Мичокан којашто „рицарите“ ја сметаат за своја територија како и државата Гванахуато, стана боиште во судирите меѓу криминалните банди и федералните безбедносни сили во кои имаше десетици мртви и ранети. Притоа, водачот на картелот Сервандо Мартинес, со прекар Тута, останува уште недостапен за правосудството. Кон средината на август тој објави својата подготвеноста да преговара со властите, но побара „владата одново да се грижи за народот“.
Картелот Рицарите темплари, се појави на почетокот од 2011 година, кога некои групи се одвоија од картелот Фамилијата од Мичоакан. Потоа на улиците во поголемите градови во Мичоакан, каде што е роден поранешниот мексикански претседател Фелипе Калдерон кој им објави војна на нарко картелите во којашто ја ангажира и мексиканската армија, се појавија десетици бели наметки со црвен крст на кои беше објавено формирањето на картелот. Меѓу „рицарите“ и „фамилијата“ се води жестока и брутална борба за контрола на територијата, во којашто подоцна се вклучија и картелите Лоз Зетас, составена од поранешни припадници на специјалните безбедносни сили и Халиско – Нова генерација. Државата Мичокан се смета за една од клучните мексикански сојузни држави преку којашто минуваат главните криумчарски канали за дрогата на богатиот пазар во САД каде што се проценува дека од овој криминал се заработуваат повеќе од 40 милијарди долари годишно.
Картелот Рицари темплари го привлече вниманието на пошироката јавност кога во мај 2013 година во многу градови во оваа мексиканска сојузна држава растури летоци, со предупредување до сопствениците на баровите, рестораните и продавниците за алкохол, дека во посочениот период треба да ги затворат нивните објекти. Во случај на непослушност, оваа злосторничка организација ветува дека ќе го запали секој локал во кој се продавал алкохол.
Стануваше збор за загинувањето на неколку од „војниците“ на наркокартелот во судир со полицијата претходно седмицава. „Наркотемпларите“ ги нарекоа своите припадници „борци загинати за ослободување на народот“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кучиња скитници искасаа три лица во Скопје
Синоќа, во 20.45 часот, во Полициската станица Аеродром, К. И. (48) од Скопје пријавила дека на улицата Владимир Комаров во Скопје била касната од куче скитник.
Истиот ден околу 14.20 часот во Полициската станица Карпош, Б. Р. (54) од Скопје пријавил дека во Градскиот парк во Скопје бил каснат од куче скитник.
Вчер,а во 15.45 часот, во Полициската станица Драчево, А. Н. (52) од Скопје пријавил дека на улицата Јустинијан Први во Скопје бил каснат од куче скитник.
Црна хроника
Возило излетало од патот Куманово – Скопје, возачот тешко повреден
Синоќа, во 19.20 часот, во СВР Куманово било пријавено дека на регионалниот пат Куманово – Скопје, кај с. Ново Село, Кумановско, патничко возило „сеат“, со кумановски регистарски ознаки, управувано од А. З. (20) од Куманово, излетало надвор од коловозот.
Во несреќата тешки телесни повреди добил возачот, констатирани во комплексот клиники „Мајка Тереза“ во Скопје.
Извршен бил увид од екипа на СВР Куманово.
Црна хроника
Приведени крадци во Битола
Вчера, во Битола, полициски службеници од СВР Битола ги лишиле од слобода К. Б. (30) и Н. Б. (41), двајцата од Битола.
При претрес во домот на К. Б., извршен со судска наредба, биле пронајдени и одземени пари во разни апоени и повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.
А при претрес во домот на Н. Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело тешка кражба по член 236 од Кривичниот законик.