Црна хроника
Уапсените во „Шпион“ шпионирале за политичката состојба во Македонија за соседна држава
Уапсените во полициската акција „Шпион“ оддавале класифицирани податоци и државни тајни на службите на една соседна земја, изјави министерката за внатрешни работи, Гордана Јанкулоска, но не сакаше да открие за која земја станува збор.
Поднесена е кривична пријава против 20 лица за злосторничко здружување, шпионажа, злоупотреба на службената положба, измама и уцена. Од вкупно 17 лица кои беа уапсени во понеделникот, двајца се ослободени, 15 се изведени пред истражен судија, а по тројца се трага. Ослободен е авторот на сатиричната серија „Еднооки“, Борис Дамовски и еден вработен во Управата за безбедност и контраразузнавање.
Организатор на злосторничкото здружение, според МВР, бил Марјан Ефремов, братот на велешкиот обвинител Ивица Ефремов кој беше уапсен во полициската акција Ликвидација. По акцијата беше приведен и Ефремов, откако во неговиот дом беше најдено големо количество на оружје.
Ефремов го оранизирал злосторничкото здружение на почетокот од 2009 година, кога добил отказ од Агенцијата за разузнавање. Заедно со двајца тогаш вработени во Агенцијата за разузнавање, еден вработен во УБК и поранешен вработен во воената безбедност и разузнавање при министерството за одбрана го создале здружението и давале информации на странски служби за што добивале пари, патувања и подароци.
„Петмината за потребите на странски разузнавачки служби прибирале класифицирани податоци и документи со кои се сретнувале во текот на своето работење. Документите се однесувале за организациската поставеност внатрешната структуираност на безбедносните и други институции, податоци за политичката состојба на државата податоци за безбедносната состојба на државата, изборите, општата безбедносна состојба во државата од аспект на можни ризици и ескалации во предметниот период, програми и планови за престои на високи претставници од странски разузнавачки служби, имиња на лица кои биле во посета, податоци за лица кои биле опфатени со оперативна обработка, податоци за состојбите во верските заедници што се однесувале и на радикалните структури во Македонија и Албанија, за структурите кои ги финансираат и други информации“ изјави Јанкулоска.
Документите му ги предавале на Ефремов кој информациите им ги доставувал на лица кои работеле во странски служби со кои контактирал. Во 2010 година на групата и се приклучиле и другите осомничени, меѓу кои и вработен во македонскиот мобилен оператор кој им обезбедувал податоци и телефонски броеви за одредени лица, како и вработен во државниот архив на Македонија кој им прибирал документи со класифицирана содржина кои биле складирани во архивот.
„Во текот на 2011 година, првоосомничениот заедно со сопственикот на електронски медиум, оствариле контакт со поранешен директор на Управата за спречување на перење пари и финансирање тероризам и од истиот обезбедиле податоци и документи кои истиот незаконски ги прибавил.По претходно издадени Наредби од надлежен Истражен Судија извршени се претреси кај 17 лица – членови на злосторничкото здружение во 30 објекти во Скопје, и тоа: домови и други простории, службени простории во институциите каде моментално работат дел од лицата ( МВР, Агенција за разузнавање, Министерство за одбрана, Државен Архив на РМ и Собрание на РМ) и приватни фирми“ изјави Јанкулоска.
Јанкулоска негираше дека вработениот во УБК бил пуштен на слобода само заради тоа што неговиот брат работел во американската амбасада во Македонија. За двајцата уапсени, па пуштени од полициска станица изјави дека МВР има право секој да го повика на информативен разговор во полиција и доколку не бидат најдени докази за инволвираност во криминал да биде пуштен.
Меѓу уапсените се шефот на кабинетот на собранискиот спикер, Маријан Маџовски, поранешниот директор на Агенцијата против перење пари, Ване Цветанов, поранешниот полициски генерал Горан Стојков, Александар Динески од УБК, а се трага по новинарот Зоран Божиновски сопственик на интернет весникот „Буревесник“.
Уапсените се изведени пред истражен судија, а обвинителеството побарало да им биде определн притвор. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.