Црна хроника
Спречен шверц на 750 штеки цигари од Македонија во Велика Британија
Четворица македонски државјани со двоен пасош, македонски и бугарски, се обиделе да прошверцуваат 750 штеки цигари преку аеродромот „Александар Велики“ во Велика Британија, каде на црниот пазар би заработиле 75.000 евра.
Царинските службеници на аеродоромот „Александар Велики“, во вторник наутро, спречиле обид за шверц на 748 штеки цигари.
Во вторникот околу 5 часот на скопскиот аеродром „Александар Велики“ царинските службеници во соработка со граничната полиција, при вршење на редовна контрола на стоки и патници за летот на релација Скопје -Лондон Лутон, кај четворица македонски државјани пријавени за излез од државата откриле поголема количина цигари од различен бренд.
На прашањето дали имаат нешто да пријават четворицата патници, сите со двојно државјанство и носители на бугарски пасоши, одговориле негативно. По барање на царинските службеници за увид во личниот багаж на патниците пронајдени се вкупно 478 штеки цигари WINSTON, WINSTON BLUE, CAMEL, DIVA, LD RED, LD BLUE, KARELIA OM, KARELIA SLIMS. 615 штеки се со македонски контролни маркички, додека 133 штеки се без акцизни маркички.
При извршениот службен разговор, утврдено е дека станува збор за организирана група која се обидела да шверцува цигари и дека цигарите се наменети за продажба на црниот пазар во Лондон, каде вредноста би достигнала до 75 илјади евра.
Цигарите се одземени, а против прекршителите е отпочната постапка пред Комисијата за одлучување по царински прекршоци./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.