Црна хроника
На летот Каракас-Париз најден кокаин во вредност од 200 млн евра
Француската полиција за борба против наркотиците неодамна запленила во авион на воздухопловната компанија „Air France“ кој летал од Каракас повеќе од тона чист кокаин, едноставно спакуван во триесетина ковчези кои не припаѓале на ниеден од патниците за Париз.
На конференцијата за медиумите во саботата навечер во канцеларијата на централното биро за сузбивање на криумчарењето на наркотици во француското гратче Нантер во близина на Париз, францускиот министер за внатрешни работи Мануел Валс им честиташе на истражните органи на оваа заплена, најголемата досега во Франција. Додал дека неколку лица досега се притворени во врска со овој случај.
Според властите на Венецуела, станува збор за истрага којашто траеле неколку седмици во соработка со француската, шпанската, британската и холандската полиција, операција којашто овозможила во петокот да бидат запленети 1.300 килограми висококвалитетен чист кокаин чијашто вредност во препродажба се проценува на околу 200 милиони евра. Оваа афера „ја илустрира целта на јакнењето на меѓународната соработка во борбата против криумчарите“, истакнал францускиот министер Валс.
„Криумчарите секогаш преземаат нови стратегии, ги менуваат патиштата на дрогата. Оттаму мораме постојано да ги прилагодуваме нашите служби и нашите стратегии во тој напредок“, додал Валс.
„Неколку припадници на злосторничката организација се притворени во последните 24 часа“, истакнал министерот, но одбил да прецизира колку лица точно се приведени.
Во Каракас истовремено венецуелските власти најавија отворање голема истрага за да се утврди потеклото на оваа дрога./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.