Црна хроника
Родителите на убиените кај Смилковци: Да се каже со име и презиме сопственикот на „опелот“ и црниот џип
Родителите на убиените момчиња кај Смилковското езеро очекуваат да се откријат и да се кажат со име и презиме сопствениците на црвениот „опел“ и црниот џип, коишто биле користени во масакрот кај Смилковското езеро.
Црниот џип што го спомена таткото на Александар Накевски, момчето кое беше убиено во масакрот кај Смилковското езеро, Горан Накевски досега не беше споменат на судењето.
„Судењето се одолговлекува многу, не ни е јасно зошто, еве и денеска се одложи за еден месец. Од тоа досега што го слушнавме, што го видовме од материјалните докази има многу предмети на децата. Очекуваме со име и со презиме да се кажат сопствениците на опелот и црниот џип кои учествувале во злосторството на децата. Тие автомобили мораат да имаат сопственик макар да е од Германија последниот сопственик“ изјави Накевски.
Денешното судско рочиште доцнеше еден и пол час и беше одложено за на 16 октомври.
Тројца од обвинетите, Алил Демири, кој е во бегство, Фејзи Азири и Хаки Азири имаат нов адвокат, Ѓорѓи Настевски кој бил во роднинска врска со еден од поротниците во судењето. Поротникот му бил внук од прва братучетка на адвокатот.
Поради роднинската врска и кој да биде изземен од судскиот процес ќе одлучува претседателот на Кривичниот суд.
Адвокатот на обвинетите, Насер Рауфи изјави дека роднинската врска не била многу блиска и дека не мора да се изземе ниту поротникот, ниту адвокатот. Но, сепак тие не се откажуваат од новиот бранител.
„Според мене треба да се изземе поротникот, а не бранителот на обвинетите. Така, судењето ќе почне одново, но само технички. Тоа се докази кои се веќе изведени“ изјави Рауфи.
Се очекува обвинителството да се изјасни и за Сами Љута, новиот обвинет кој беше приведен месецов, под сомнение дека чувал стража додека траел масакрот кај Смилковското езеро. Тој е во притвор и истрагата за него е се уште во тек.
На првообвинетите во случајот, Алил Демири и Африм Исмаиловиќ им се суди во Косово за нелегално поседување на оружје. Минатата година на Велики четврток без никаква причина беа убиени четири момчиња и еден рибар кај Смилковското езеро./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.