Црна хроника
Убиство во Штип – Маж ја уби жената пред Домот на културата
Средовечен штипјанец во четвртокот попладне пред Домот на културата во Штип ја нападнал и, според првични информации, ја убил сопругата. Во тек е увид на истражен судија, соопштија извори од локалната власт.
Според очевидци, сопружниците разговарале седнати на клупата која веднаш се наоѓа до паркот. Во еден момент, тој ја нападнал сопругата нанесувајќи и повреди со остар предмет.Според првичните информации, жената и подлегнала на повредите а мажот наводно се обидел да се самоубие, но тоа било неуспешно. Пренесен е во клиничкиот центар во Штип и е под полициско обезбедување. Полицијата пред неполн половина час земаше изјава од синот на инволвираните во инцидентот.Никакви други детали засега не се соопштуваат, а полицијата врши истрага и забранет е секаков пристап до Домот на културата. Овој немил настан се случува само еден ден по објавувањето на информацијата дека СВР-Штип расчисти убиство од пред два месеци кога во својот дом беше убиен 46 годишниот Стоиле.М. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.