Црна хроника
Нема уапсени и повредени по пукањето во Љуботен
Се уште нема уапсени од акцијата која се одвиваше во петок попладне на полициските Алфи во скопско Љуботен, кога дрвокрадци пукаа во нив, потврдуваат од МВР.
Во инцидентот нема повредени лица, а во текот на ноќта продолжила потрагата на специјалната единица Алфи по дрвокрадците кои вчера попладне пукаа со огнено оружје кон полицијата.
Специјалната единица Алфи заедно со шумската полиција, во петокот, вршела контрола на теренот во оваа област, кога во месноста викана Башилец била забележана поголема група луѓе, повеќе кубици дрва, два трактори и патничко моторно возило џип.
Кога ги забележале полицајците, дрвокрадците почнале да пукаат и веднаш заминале во непознат правец. Потрагата во текот на ноќта се одвивала отежнато поради непристапниот терен./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.