Црна хроника
Бегалец од затвор пукал кон полицајци
Во саботата на пладне на регионалниот пат село Групчин – село Мерово, кај чешмата, полицајци нашле бегалец од затвор при што се обиделе да го уапсат, но тој пукал кон нив и избегал.
Имено, при преземање мерки за лишување од слобода на лица за кои е распишана потерница, по добиено оперативно сознание бил пресретнат “Голф 2“ црвена боја без регистерски таблички, управувано од М.Р.(1990) од село Ларце, тетовско.
Како сопатник се превезувал Ј.Р.(1980) од село Ларце, за кого од Основниот суд Скопје I има распишано Наредба за спроведување во КПУ-Штип, од каде е избеган.
Откако лицата во возилото ги забележале полициските службеници, запреле на оддалеченост од околу 10-15м од нив, по што Ј.Р. излегол и со пиштол (непозната марка и калибар), испукал неколку куршуми кон полицајците и почнал да бега кон шумата.
Полициските службеници му наредиле да застане, по што Ј.Р. се оглушил на наредбата, повторно испукал неколку куршуми кон нив и избегал.
Полициските службеници испукале неколку куршуми во воздух за заплашување, а потоа бил приведен братот на Ј.Р., кој го управувал возилото и истиот ќе биде задржан во СВР се до расчистување на настанот.
Во кругот на полициската станица Групчин е пренесен автомобилот “Голф“ за крим-техничка обработка.
Од испуканите куршуми нема повредени.
Истражен судија, јавен обвинител и увидна екипа од СВР-Тетово било излегле на лице место, а увидот ќе продолжи денеска. Се преземаат мерки за пронаоѓање на Ј.Р./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.