Црна хроника
Бобан Насев осуден на четири и пол години затвор
Сопственикот на порталите „безпардон“, подоцна преимнеуван во „комуникација.мк“ коишто веќе не постојат, Бобан Насев е осуден на четири и полгодини затвор за измама, јавува весникот „Нова Македонија“.
Обвинителството докажало пет од осум случаи на измама, еден од оштетените во текот на постапката сам го повлекол обвинението, а за два случаи обвинителството само го сторило тоа.
Одбраната е незадоволна од судската пресуда зашто тие се надеваа на преиначување на делото од измама во лажно претставување, поради што најави жалба.
„Ние и понатаму тврдиме дека кај нашиот клиент нема елементи на измама, туку само за лажно претставување и ќе бараме преиначување на делото во жалба до Апелација“, истакна Дарко Џорлев, адвокат на Насев.
Случајот со сопственикот на порталот Без пардон, подоцна Комуникација.мк, е актуелен од мај годинава откако осум лица поднесоа пријава против Насев во која го обвинуваат дека претставувајќи им се како висок функционер на неколку државни министерства или раководител на институции им ветувал вработувања и други поволности. За возврат, сите на него му исплатиле големи суми на пари од една до 10.000 евра.
До правосилноста на пресудата Насев останува во притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.