Црна хроника
Љубоморни скопјанки киднапирале и физички малтретирале малолетничка
Шеснаесетгодишно девојче било физички малтретирано од три скопјанки кои се сомневале дека малолетничката има љубовни врски со нивните момчиња.
Настанот се случил на 28 октомври околу 19 часот, кога 16 годишната А.Т. излегла од кафе-барот „Хепи“, лоциран на улицата Владимир Комаров, по што на паркингот спроти кафулето и пришле Б.Ѓ.(28), Д.Ѓ.(19) и К.П.(33), и со влечење, туркање, физички удари и удари со метален предмет (клуч за тркало), насилно ја внеле во возило „фолксваген поло“ со скопски регистарски таблички и насила ја задржале во времетраење околу четири часа.
Девојките удирајќи ја со шамари, кубејќи ја за коса и удирајќи ја со боксови во пределот на главата и телото, ја присилувале да признае дека имала љубовна врска со нивните момчиња. Потоа се упатиле во ТЦ„Беверли Хилс“ во кафетерија „Кафе-Кафе“, каде што се задржале околу еден час, при што и понатаму продолжиле да ја малтретираат и упатуваат закани по живот. Додека сеуште биле во кафетеријата, малолетничката го забележала келнерот од локалот, но не успеала да побара помош бидејќи била исплашена.
Кратко време потоа, насилничките заедно со оштетената излегле од локалот, по што девојчето повторно физички било нападнато со боксови и клоци, а потоа ја внеле во возилото и се упатиле во населба Чаир на непознато место.
При пристигнувањето, непознато лице ја отворило капијата на плацот, по што на кратко разговарал со една од насилничките. Откако се паркирале со возилото на плацот, физичкото малтретирање продолжило, а девојчето добивало и закани по животот.
Околу 23.00 часот, пријавените ја внеле оштетената во возилото продолжувајќи да и се закануваат и да ја тепаат, при што кога дошле на ул. „Бриселска“, една од нив, заедно со малолетничката се качиле до станот на нејзиното момче, по што пред станот, помеѓу првопријавената и нејзиното момче настанала расправија по која расправија И.Т. ја зел оштетената и со негово возило ја однел до нејзиниот дом од каде оштетената заедно со нејзината мајка се упатиле во ГОБ-Скопје каде и е укажана медицинска помош.
Од извршените прегледи, кај оштетената се констатирани телесни повреди во вид на огреботини и крвни подливи, по што е пуштена на домашно лекување, а случајот е пријавен во полиција. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.